Pokiston janubida yo‘lovchi poyezdi halokatga uchragandi. Buning oqibatida halok bo‘lgan va jarohatlanganlar orasida O‘zbekiston fuqarolari yo‘qligi ma’lum qilindi.
Karachidan Abbotobodga ketayotgan yo‘lovchi poyezdi vagonlari relsdan chiqib ketgandi. Hodisa oqibatida kamida 30 kishi halok bo‘lgan, yana 80 dan ortiq kishi jarohatlangan.
Poyezd halokatiga nima sabab bo‘lgani noma’lum. Hozirda yo‘lning ushbu qismida poyezdlar harakati to‘xtatilgan. Voqea joyida qutqaruv guruhlari va harbiylar ishlamoqda.
O‘zbekiston elchixonasidan olingan ma’lumotga ko‘ra, halok bo‘lganlar va jarohatlanganlar orasida O‘zbekiston fuqarolari yo‘q. Vaziyat diplomatlar nazorati ostida.
Izoh (0)