Navoiy viloyati Nurota tumanida sodir bo‘lgan yo‘l-transport hodisasi oqibatida bir yo‘lovchi halok bo‘ldi. Bu haqda IIV YHXX axborot xizmati xabar berdi.
Qayd etilishicha, 16-iyul kuni Nurota tumani hududidan o‘tuvchi 4R56 avtomobil yo‘lida kichik hajmli avtotransport vositasini (“muravey”) Langar—Cho‘yi yo‘nalishida boshqarib kelayotgan haydovchi boshqaruvni yo‘qotib, qarama-qarshi yo‘nalishga chiqib ketgan va boshqa bir mototsikl bilan to‘qnashgan.
Sodir bo‘lgan yo‘l-transport hodisasi natijasida mototsikllardan birida yo‘lovchi sifatida kelayotgan 32 yoshli fuqaro og‘ir tan jarohati bilan tuman tibbiyot birlashmasiga yotqizilgan. Ko‘rsatilgan tez tibbiy muolajalarga qaramasdan, fuqaro vafot etgan.
Oxirgi vaqtlarda sodir bo‘lgan YTHlar
Bundan oldin Toshkentning Uchtepa tumanida uchta mashina ishtirokida yo‘l-transport hodisasi sodir bo‘lgani, Samarqandda yigit tog‘asining mashinasini olib qochib, 4 ta avtomobil bilan to‘qnashgani, O‘zbekiston parlamenti quyi palatasi yonidagi piyodalar o‘tish joyida Damas ayolni urib yuborgani to‘g‘risida xabar berilgandi.
Izoh (0)