Turkiyadagi mehmonxonada rossiyalik sayyohlar qo‘lga olindi. Ular o‘zlari bilan mehmonxonadagi shvedcha stoldan olingan 35 kilogramm oziq-ovqatlarni olib ketmoqchi bo‘lishdi.
Voqea Antaliyadagi besh yulduzli mehmonxonalardan birida yuz bergan. Ijtimoiy tarmoqlarda tarqalgan videoda mehmonxona ishchilari rus sayyohlaridan olingan oziq-ovqat va gigiyenik vositalarni bir uyum qilib to‘plab qo‘yganini ko‘rish mumkin.
Uyum ichida oziq-ovqat mahsulotlari — paketchalardagi choy va shakarlar, yong‘oq va quritilgan mevalar, sariyog‘lar, pivo va gazlangan ichimliklar, shuningdek, gazaklar, sabzavot va mevalar, bir martalik shampunlarni ko‘rish mumkin.
Videoda ayollar bularning barchasini har kuni mehmonxonadagi restoranda berishganini, ular yo‘lda yeb ketish uchun o‘zlari bilan olib ketishni niyat qilganliklarini aytishgan. Shunga qaramay, mehmonxona ishchilari ularga ishonishmadi. Natijada o‘g‘rilar qo‘lga olindi, deb yozadi Turkiyadagi Hedef Halk nashri.
Izoh (0)