Buxoro viloyati Peshku tumanida bir tup o‘rik daraxtini kesib tashlagan maktab qorovuli jazolandi. Bu haqda viloyat Ekologiya boshqarmasi axborot xizmati xabar berdi.
Unga ko‘ra, Buxoro viloyati Ekologiya boshqarmasi Peshku tuman bo‘limi inspektorlari tomonidan navbatdagi nazorat reyd tadbiri o‘tkazildi. Olib borilgan nazorat reyd tadbirlari davomida Peshku tumani “Kuyovxo‘ja” MFY hududida joylashgan 39-sonli umumiy o‘rta ta‘lim maktabi hovlisidan maktab qorovuli tomonidan 1 tup o‘rik daraxti kesib tashlangani aniqlandi.
Huquqbuzarlikni sodir etgan maktab qorovuliga nisbatan Ma‘muriy javobgarlik to‘g‘risidagi kodeksning 79-moddasi 1-qismi bilan ma‘muriy bayonnoma rasmiylashtirilib,1 million 650 so‘m jarima qo‘llanildi.
Izoh (0)