Ijtimoiy tarmoqlarda Qashqadaryo viloyati bolalar shifoxonasida 25 tupdan ortiq manzarali daraxtlar kesilgani haqida xabarlar tarqaldi. Viloyat Sog‘liqni saqlash boshqarmasi holat yuzasidan munosabat bildirdi.
Unda aytilishicha, Sog‘liqni saqlash vazirligi davlat-xususiy sheriklik loyihalarini amalga oshirish haqida qarorlar qabul qilish, xususiy tashabbuskorlar bilan muzokaralar o‘tkazish, davlat-xususiy sheriklik to‘g‘risidagi bitimlarni ishlab chiqish va tayyorlash bo‘yicha ishchi guruhining tegishli yig‘ilish bayoniga ko‘ra Qashqadaryo viloyati bolalar ko‘p tarmoqli tibbiyot markazining bo‘sh turgan 750 kvadrat metr maydonida davlat-xususiy sheriklik shartlari asosida Essel Forte Arslon xususiy korxonasi tomonidan tibbiyot markazi tashkil etish ko‘zda tutilgan.
Xususiy korxonaga ajratib berilgan hududda 2023-yil 27-iyulga o‘tar kechasi 17 tup daraxt kesilgani aniqlangan. Viloyat bolalar ko‘p tarmoqli tibbiyot markazi ma’muriyati tomonidan bu haqda darhol ichki ishlar idoralariga xabar berilgan.
Ayni paytda holat huquqni muhofaza qilish idoralari tomonidan o‘rganilmoqda.
Izoh (0)