Мажбурий ижро бюроси Наманган шаҳар бўлими томонидан амалдаги қонунчиликда белгиланган тартиб ва муддатларга қатъий риоя этган ҳолда қатор ишлар олиб борилмоқда.
Жумладан, “Давлат даромадига ўтказиладиган мол-мулкни олиб қўйиш, сотиш ёки йўқ қилиб ташлаш тартиби тўғрисида”ги низомнинг тегишли бандларига асосан, сифати кафолатланмаган ва истеъмолга яроқсиз бўлган дори-дармонлар ҳамда тиббиёт воситалари суднинг қарори асосида йўқ қилинмоқда.
Куни кеча бўлиб ўтган навбатдаги тадбир давомида ҳам Ўзбекистонга кириб келган умумий қиймати 550 млн. сўмлик дори воситалари йўқ қилинди.
Тадбирда вилоят божхона, санитария-эпидемиологик осойишталик ва жамоат саломатлиги хизмати ҳамда экология ва атроф-муҳитни муҳофаза қилиш бошқармалари вакиллари иштирок этди.
Наманган шаҳридаги “Дори-дармон” акциядорлик жамияти омборхонасида сақланаётган, жиноят иш материаллари бўйича ашёвий далил сифатида қайд этилган дори-дармонлар ҳамда тиббиёт воситалари сифати кафолатланмагани учун куйдириш печида ёқиб юборилди.
Изоҳ (0)