DXX oltin qazib olish uchun sharoit yaratib berish evaziga fuqarodan 30 ming dollar talab qilgan Navoiy viloyati Tomdi tumani ichki ishlar bo‘limi profilaktika inspektorini qo‘lga oldi.
Ma’lum qilinishicha, u davlat zaxirasiga olingan hududda tarkibida oltin bo‘lgan ruda qazib olish uchun sharoit yaratib, huquq-tartibot idoralari tomonidan bo‘ladigan reyd tadbirlaridan ogohlantirib turish evaziga mahalliy fuqarodan 30 ming dollar talab qilib, 15 ming dollarini olgan vaqtida ushlandi.
Buxoro viloyati Kogon tumani ichki ishlar bo‘limi xodimi fuqaroga nisbatan ichki ishlar organlariga kelib tushgan arizani o‘zining vakolatli hamkasblari orqali uning foydasiga ijobiy hal qilib berish evaziga 1300 dollar olgan vaqtida DXX va Bosh prokuratura huzuridagi departament xodimlari tomonidan ushlandi.
Hozirda ushbu holatlar yuzasidan Jinoyat kodeksining tegishli moddalari bilan jinoyat ishlari qo‘zg‘atilib, tergov harakatlari olib borilmoqda.
Izoh (0)