Isteʼmolga yaroqsiz bo‘lgan, inson salomatligiga jiddiy xavf soluvchi go‘sht mahsuloti savdosining oldi olindi, deb xabar bermoqda Surxondaryo viloyati IIB matbuot xizmati.
Ma’lum qilinishicha, 26-iyul kuni Sho‘rchi—Toshkent yo‘nalishida harakatlanib kelayotgan O.Z. (ism shariflar o‘zgartirilgan) boshqaruvida bo‘lgan Cobalt to‘xtatilib, tekshirilganda yukxonasida 170 kilo hech qanday veterinariya hujjatisiz olib ketilayotgan mol go‘shti borligi aniqlangan.
Uning isteʼmolga yaroqli yoki yaroqsiz ekanligini tekshirish uchun Boysun tuman hayvonlar kasalliklari tashxisi va oziq- ovqat mahsulotlari xavfsizligi davlat markazi laboratoriyasiga topshirilganida, isteʼmolga yaroqsiz ekani aniqlangan. Bu go‘shtlarni sotib, pul orttirishni maqsad qilgan shaxsga tegishli tartibda qonuniy chora ko‘rilgan.
Ichki ishlar organlari hamda tegishli davlat tashkilot va idoralari bilan hamkorlikda bu kabi isteʼmolga yaroqsiz inson salomatligiga jiddiy xavf soluvchi oziq-ovqat va nooziq-ovqat mahsulotlarini aniqlash borasidagi reyd tadbirlari davom etmoqda.
Izoh (0)