“Manchester Siti” himoyachisi Benjamen Mendi faoliyatini Fransiyaning “Loryan” jamoasida davom ettiradi.
Bu haqida fransuz klubi rasmiy Instagram sahifasi ma’lum qildi. Klub futbolchi bilan 2 yillik shartnoma imzolagan.
Eslatib o‘tamiz, “Shaharliklar” himoyachisiga 2021-yilda jinsiy zo‘ravonlik bo‘yicha ayblov qo‘yilgandi. 2022-yilning iyun oyida Benjamenga jinsiy zo‘ravonlik bo‘yicha qo‘yilgan ayblovlar soni 10 taga yetgandi. 2023-yilning 14-iyul sanasidagi sud jarayonida futbolchiga qo‘yilgan barcha ayblovlar olib tashlandi.
Ma’lumot uchun, Mendi so‘nggi bor 2021-yil 15-avgust kuni maydonga tushgan edi.
Benjamen Mendi faoliyati davomida Fransiyaning “Gavr”, “Marsel” va “Monako” klublarida to‘p surgan. Uning so‘nggi klubi “Manchester Siti” bo‘lib, jamoa bilan birgalikda uch marta Angliya chempionligi va bir marta Angliya Superkubogida zafar quchgan.
Izoh (0)