Haqiqiy hayotda sevimli Gollivud aktyor va aktrisalari kinodagidek yoqimtoy va bekam-u ko‘st deb o‘ylasangiz, adashgan bo‘lasiz. Ular haqidagi bor haqiqatni suratga olish guruhi a’zolari biladi. Yulduzlarning injiqliklari ba’zan eng yuqori cho‘qqiga chiqadi va tom ma’noda ijodiy jamoani qiyin ahvolga solib qo‘yadi. Europa Plus nashri suratga olish maydonchasida janjallarga sabab bo‘lgan Gollivud yulduzlari haqida ma’lumot berdi.
Ezra Miller
DC superqahramoni Ezra Miller tezda mashhurlikka erishdi. Insayderlarning so‘zlariga ko‘ra, aktyor “Flesh” filmini suratga olish maydonchasida “ko‘pincha xotirjamligini yo‘qotgan” va o‘zini agressiv tutmagan. Natijada Warner Bros Miller bilan barcha loyihalarni to‘xtatdi. Bundan tashqari, aktyor bu voqeadan bir necha soatdan keyin barlarda janjal uyushtirib, mushtlashgan.
Jonni Depp
Gollivudning mashhur aktyorlaridan biri Jonni Depp rafiqasi bilan sudlashmasidan oldin ham martabasini deyarli yo‘qotgan edi. Bu “Karib dengizi qaroqchilari: Murdalar ertak aytmaydi” filmining premyerasidan keyin ayon bo‘ldi. Ma’lum bo‘lishicha, butun suratga olish guruhi Jonni Deppning xatti-harakatidan shikoyat qilgan. Uning Ember Xyord bilan munosabatlari o‘sha paytda ham yaxshi emas edi. Loyihani suratga olish jarayonlari bir necha bor qoldirildi. Kunlardan bir kun Depp qo‘lini sindirib oldi (aktyor bunga uning sobiq rafiqasi sababchi bo‘lganini aytgan), shuning uchun u jadvalni o‘zgartirishga majbur bo‘ldi.
“Men suratga olish guruhi aʼzolari bilan suhbatni eslayman, ular filmning oxirgi qismidagi ish dahshatli sharoitda kechganini tan olishgan. Butun guruh Jonni Deppni soatlab kutgan. Aktyor va uning rafiqasi o‘rtasida doim kelishmovchilik bo‘lgan”, — deydi avstraliyalik radioboshlovchi Jeki Xenderson.
Lindsi Lohan
Hozirda aktrisa o‘z martabasini tiklashga harakat qilmoqda. Biroq aktrisa 2000—2010-yillarda kuchli ichimliklarga berilib ketdi va hashamatli turli xil ziyofatlar uyushtirdi. Birinchi marta Lindsi bosh rolni ijro etgan “Ajoyib Jorjiya” filmining prodyuseri Jeyms Robinson tomonidan noprofessionallikda ayblandi.
“Yaramas qizlar” filmida suratga tushganimdan keyin Los-Anjelesga kelganimda 17 yoki 18 yoshda edim. Men o‘zimni yolg‘iz his qilmadim, chunki atrofimda doimo insonlar bor edi, biroq men nima uchun bu insonlar borligiga e’tibor bermadim. Mening nima qilayotganimni hech kim kuzatmasdi”, — deydi Lohan.
Kris Braun
Kris Braun bir necha yil davomida yulduzlik kasali bilan kurashdi. Xonandaning tanishlari bir necha bor uning tajovuzkor insonga aylanganini ta’kidlagan. 2009-yilda “Gremmi” mukofotini topshirish marosimidan keyin u sobiq sevgilisi Riannani qanchalik shafqatsizlarcha urganini yodga olish kerak. Kris o‘zini o‘zi nazorat qilish kurslarini oldi. Shundan keyin vaqt o‘tib “Xayrli tong, Amerika” dasturi davomida yana janjal qildi. Kris xonanda bilan bo‘lgan ish haqidagi savoldan g‘azablandi, shuning uchun u intervyuni tugatdi. U kiyinish xonasiga yugurib kirib, derazani stul bilan sindirgan.
“Insonlarning doim o‘tmishni eslashlaridan juda charchadim”, — deydi Braun ijtimoiy tarmoqlardagi sahifasida.
Megan Foks
Aktrisa hatto eng sabrli rejissorlarni ham g‘azablantirgan. “Transformerlar” loyihasi muallifiga nisbatan bahsli bayonotlar tufayli u boshqa aktyor bilan almashtirildi. Megan Foks intervyularining birida Maykl Beyni Gitler bilan taqqoslagan:
“Men haqiqatan ham bu insonga nisbatan his-tuyg‘ularimni ochmoqchiman, u Napoleonga o‘xshaydi va u o‘zini aqldan ozgan inson sifatida obro‘ qozonishini xohlaydi. U o‘z filmlarini suratga olish jarayonlarida Gitler kabi bo‘lishni xohlaydi va shunday qiladi. Shuning uchun u bilan ishlash dahshatli tush kabidir”, — deydi aktrisa.
Shundan so‘ng Foks darhol ishdan bo‘shatildi va uning o‘rni Rouzi Xantington Uaytliga berildi.
Ketrin Xaygl
Aytilganidek, tashqi ko‘rinish aldamchi bo‘lishi mumkin. Aktrisa o‘zining dahshatli xarakteri tufayli Gollivuddan haydaldi. Ma’lum bo‘lishicha, Ketrin Xaygl “Hissiyotlar anatomiyasi”ni “Qotillar” komediyasi uchun tark etgan va buning uchun unga 12 million dollar va’da qilingan. U bu qarorini farzandi bilan ko‘proq vaqt o‘tkazmoqchi ekanligini aytib oqladi. Shuningdek, Xaygl o‘ziga yoqmagan sahnalarni o‘ynashdan qanday bosh tortgani va treylerni tark etmagani haqida gapirib berdi.
Izoh (0)