Murat Yildirim qizalog‘ining to‘yini o‘tkazdi, Kivanch Tatlitug‘ ilk bor o‘g‘lini ko‘rsatdi. Turk kinosi yangiliklari

Marokashda farzand tug‘ilganda Subuh deb nomlangan an’anaviy to‘yga o‘xshash marosim o‘tkaziladi. Odatda, bu bola tug‘ilgandan keyin bir oy ichida amalga oshiriladi, biroq Murat Yildirim rafiqasi va qizi bilan Turkiyada yashaganligi sababli ular bu marosimni yozda, Marokashda o‘tkazdi.

Yildirim o‘zi rol o‘ynagan “Tashkilot” serialining mavsum finalini suratga olish ishlarini yakunlagach, turmush o‘rtog‘i Iman Elbani mamlakati Marokashga yo‘l oldi.

Baxtli ota-onalar ijtimoiy tarmoqlardagi sahifasiga qizi Miray uchun Marokashda o‘tkazilgan an’anaviy marosimdan olingan suratlarni joyladi.

2022-yilning oktabr oyida Murat Yildirim qizi Mirayni qo‘liga olib, ota bo‘lgani haqidagi yangilikni muxlislariga ma’lum qilgan edi. Shuningdek, u yana bir nechta oilaviy suratlarini sahifasiga joylagan edi.

Aktyor yaqinda bergan intervyularining birida ota bo‘lish haqidagi fikrlarini aytib bergan. “Ota bo‘lish dunyodagi eng yaxshi tuyg‘ulardan biri. Bu tuyg‘uni so‘z bilan ifodalab bo‘lmaydi. Qizim bilan o‘rtamizda alohida rishta bor”, — deydi Murat Yildirim.

Marokash ommaviy axborot vositalari ham bu daqiqalarni diqqat bilan kuzatib bordi. Tantanali marosimda Iman an’anaviy liboslarni boshiga toj bilan kiygan. Elbani — Marokashdagi eng boy va eng qudratli oilalardan biri, Yaqin Sharqda juda mashhur. Imanning otasi neft biznesi bilan shug‘ullanadi.

Yanvar oyida Belgradda sevgilisi Sinem Shimshekka turmush qurishni taklif qilgan Jihan Shimshek 2023-yilning 24-iyun kuni to‘y marosimini o‘tkazdi.

Jihan va Sinem marosim oldidan ommaviy axborot vositalari vakillarining savollariga javob berdi.

“Hayajondamiz. Aslida, hech qachon hayajon bo‘lmagan edi, biroq oxirgi daqiqalar kelganida juda hayajonlandik”, — deydi juftlik.

Nikoh marosimi Baxchekda bo‘lib o‘tdi. Unda Alina Boz, Barak Jan, Muhammad Kayku va Elki Yers va kelin-kuyovning do‘stlari, oila a’zolari ishtirok etdi. Marosimga aktyorning “Oila uchun” loyihasidagi ko‘plab partnyorlari tashrif buyurdi.

Kivanch Tatlitug‘ 2016-yilda sevgilisi Bashar Dizer bilan oila qurgan. Juftlik 2022-yilda tug‘ilgan o‘g‘li Kurt Efeni hech qachon kamera qarshisida ko‘rsatmagan. Hozirda baxtli oila Bodrumda dam olmoqda.

Kivanch Tatlitug‘ning o‘g‘li Kurt Efening suratini dastlab muxlislariga ko‘rsatdi. Ijtimoiy tarmoq foydalanuvchilari Tatlitug‘ning o‘g‘li otasiga o‘xshab oq sochli va ko‘k ko‘zli ekanligini ta’kidlab, turli xil izohlar qoldirgan.