Vaqt o‘tadi, aktyorlar ham oddiy insonlar kabi yosharmaydi va ba’zilari Tom Kruz kabi 61 yoshida nafaqat parashyutdan sakrashga, balki nafaqaga chiqish vaqti kelsa-da, kino olamini tark etmaslikka tayyor. So‘nggi ikki yil ichida bunday bayonotlar juda ko‘p bo‘ldi. Biroq Gollivud yulduzlari orasida muvaffaqiyatli karyerasi yakunlaganini va muxlislari bilan xayrlashishini e’lon qilgan mashhurlar ham bor. Quyida shu kabi aktyorlar haqida ma’lumot beriladi.
Bryus Uillis
Bryus Uillis kino olamini tark etdi, biroq o‘z xohishiga ko‘ra emas. Aktyor sog‘lig‘i bilan bog‘liq muammolarni boshdan kechirmoqda. So‘nggi bir necha yil ichida Bryus Megan Foks va Frenk Grillo bilan partnyor bo‘ldi, yigirmaga yaqin filmda rol o‘ynadi, ularning barchasi tom ma’noda jangovar filmlar bo‘lib, Uillisning ekrandagi vaqti, so‘zlari ham kam edi. U faqat qarilik, davolanish va nevaralariga sovg‘alar uchun pul topayotganini his qildi. Hozirda Bryus oila a’zolari bilan vaqt o‘tkazmoqda, u kino ixlosmandlarining hozirgi va kelajak avlodlariga ajoyib kino merosini qoldirgan.
Jim Kerri
So‘nggi yillarda Jim juda ko‘p narsalarni boshdan kechirdi. Bu aktyorga jiddiy zarar yetkazdi va u bir muncha vaqt ijodkorlik bilan shug‘ullanib, kino sanoatdan chiqib ketdi va rasm chizishni boshladi. Bu haqda hujjatli film ham suratga olingan. Biroq, Jim o‘zida kuch topib, “Sonik“ning ikki qismida o‘ynash uchun ekranlarga qaytdi. Bu qaytish qancha davom etadi, vaqt ko‘rsatadi. Aktyorning mahorat bilan ijro etgan rollari tomoshabinlarning yodidan chiqmaydi.
Sandra Bullok
Aktrisa kino sohasida faoliyat yuritgan yillari charchaganini ochiqchasiga tan oldi. U muvaffaqiyatli karyera qura oldi. Sandra “Mehr hududi” filmidagi roli uchun “Oskar” mukofotini qo‘lga kiritdi.
Jork Kluni
Sezilmas tarzda Jorj Kluni ham kino olamini tark etdi. Aktyor 2017-yilda nafaqaga chiqqanini e’lon qilib, qarib qolgani va ekranda chiroyli ko‘rina olmasligini, biroq puli yetarli ekanini aytdi.
Benedikt Kamberbetch
Aktyor filmlardan tanaffus olayotganini aytdi. U charchagan edi va oilasi bilan birga bo‘lishni xohladi. Shu bilan birga, yaqinda u Marvel kelajakda namoyish etadigan loyihalaridan birining suratga olish jarayonida ko‘rinish berdi.
Kris Xemsvort
Kris ham faoliyatida tanaffus e’lon qildi. Bu aktyorni biroz qo‘rqitadigan Alsgeymer kasalligiga moyilligi va oilasi bilan birga bo‘lish istagi bilan bir vaqtga to‘g‘ri keldi. Kamberbetch singari, Krisning ham uchta farzandi bor, biroq ular kam hollarda ko‘rinish beradi.
Klint Istvud
93 yoshda bo‘lgan aktyor filmlarni suratga olishda davom etmoqda, biroq u yaqinda nafaqaga chiqishini e’lon qildi. Aktyor ishtirokidagi “Sirli daryo”, “Gran Torino” filmlari sevib tomosha qilinadi.
Gari Oldman
Garri Oldman ham kinodagi faoliyatini to‘xtatishga qaror qildi. “Sekin chopadigan otlar” loyihasi uning so‘nggi aktyorlik ishi bo‘ladi.
Keyt Blanshett
Gollivud yulduzi Keyt Blanshett ham karyerasini yakunladi. Biroq, bu holat o‘zgarishi ham mumkin, masalan uzoq muddatli ta’tildan so‘ng kinodagi faoliyatini davom ettirayotgan mashhurlar ham bor.
Kemeron Dias
Kemeron Dias 8 yillik tanaffusdan so‘ng kinoga qaytganini ma’lum qildi va hozirda Netflix’ning “Biznesga qaytish” filmida bosh rolni o‘ynashni rejalashtirmoqda.
Eshton Kucher
Eshton Kutcher ham 9 yillik tanaffusdan keyin kino olamiga qaytdi. Bu yil Netflix Eshton va Riz Uizerspun ishtirokidagi “Sengami yoki mengami?” filmini chiqaradi.
Izoh (0)