Ҳақиқий ҳаётда севимли Голливуд актёр ва актрисалари кинодагидек ёқимтой ва бекам-у кўст деб ўйласангиз, адашган бўласиз. Улар ҳақидаги бор ҳақиқатни суратга олиш гуруҳи аъзолари билади. Юлдузларнинг инжиқликлари баъзан энг юқори чўққига чиқади ва том маънода ижодий жамоани қийин аҳволга солиб қўяди. Europa Plus нашри суратга олиш майдончасида жанжалларга сабаб бўлган Голливуд юлдузлари ҳақида маълумот берди.
Эзра Миллер
DC суперқаҳрамони Эзра Миллер тезда машҳурликка эришди. Инсайдерларнинг сўзларига кўра, актёр “Flesh” фильмини суратга олиш майдончасида “кўпинча хотиржамлигини йўқотган” ва ўзини агрессив тутмаган. Натижада Warner Bros Миллер билан барча лойиҳаларни тўхтатди. Бундан ташқари, актёр бу воқеадан бир неча соатдан кейин барларда жанжал уюштириб, муштлашган.
Жонни Депп
Голливуднинг машҳур актёрларидан бири Жонни Депп рафиқаси билан судлашмасидан олдин ҳам мартабасини деярли йўқотган эди. Бу “Кариб денгизи қароқчилари: Мурдалар эртак айтмайди” фильмининг премьерасидан кейин аён бўлди. Маълум бўлишича, бутун суратга олиш гуруҳи Жонни Деппнинг хатти-ҳаракатидан шикоят қилган. Унинг Ember Хёрд билан муносабатлари ўша пайтда ҳам яхши эмас эди. Лойиҳани суратга олиш жараёнлари бир неча бор қолдирилди. Кунлардан бир кун Депп қўлини синдириб олди (актёр бунга унинг собиқ рафиқаси сабабчи бўлганини айтган), шунинг учун у жадвални ўзгартиришга мажбур бўлди.
“Мен суратга олиш гуруҳи аъзолари билан суҳбатни эслайман, улар фильмнинг охирги қисмидаги иш даҳшатли шароитда кечганини тан олишган. Бутун гуруҳ Жонни Деппни соатлаб кутган. Актёр ва унинг рафиқаси ўртасида доим келишмовчилик бўлган”, — дейди австралиялик радиобошловчи Жеки Хендерсон.
Линдси Лоҳан
Ҳозирда актриса ўз мартабасини тиклашга ҳаракат қилмоқда. Бироқ актриса 2000—2010 йилларда кучли ичимликларга берилиб кетди ва ҳашаматли турли хил зиёфатлар уюштирди. Биринчи марта Линдси бош ролни ижро этган “Ажойиб Жоржия” фильмининг продюсери Жеймс Робинсон томонидан нопрофессионалликда айбланди.
“Ярамас қизлар” фильмида суратга тушганимдан кейин Лос-Анжелесга келганимда 17 ёки 18 ёшда эдим. Мен ўзимни ёлғиз ҳис қилмадим, чунки атрофимда доимо инсонлар бор эди, бироқ мен нима учун бу инсонлар борлигига эътибор бермадим. Менинг нима қилаётганимни ҳеч ким кузатмасди”, — дейди Лоҳан.
Крис Браун
Крис Браун бир неча йил давомида юлдузлик касали билан курашди. Хонанданинг танишлари бир неча бор унинг тажовузкор инсонга айланганини таъкидлаган. 2009 йилда “Гремми” мукофотини топшириш маросимидан кейин у собиқ севгилиси Рианнани қанчалик шафқатсизларча урганини ёдга олиш керак. Крис ўзини ўзи назорат қилиш курсларини олди. Шундан кейин вақт ўтиб “Хайрли тонг, Америка” дастури давомида яна жанжал қилди. Крис хонанда билан бўлган иш ҳақидаги саволдан ғазабланди, шунинг учун у интервьюни тугатди. У кийиниш хонасига югуриб кириб, деразани стул билан синдирган.
“Инсонларнинг доим ўтмишни эслашларидан жуда чарчадим”, — дейди Браун ижтимоий тармоқлардаги саҳифасида.
Меган Фокс
Актриса ҳатто энг сабрли режиссёрларни ҳам ғазаблантирган. “Трансформерлар” лойиҳаси муаллифига нисбатан баҳсли баёнотлар туфайли у бошқа актёр билан алмаштирилди. Меган Фокс интервьюларининг бирида Майкл Бейни Гитлер билан таққослаган:
“Мен ҳақиқатан ҳам бу инсонга нисбатан ҳис-туйғуларимни очмоқчиман, у Наполеонга ўхшайди ва у ўзини ақлдан озган инсон сифатида обрў қозонишини хоҳлайди. У ўз фильмларини суратга олиш жараёнларида Гитлер каби бўлишни хоҳлайди ва шундай қилади. Шунинг учун у билан ишлаш даҳшатли туш кабидир”, — дейди актриса.
Шундан сўнг Фокс дарҳол ишдан бўшатилди ва унинг ўрни Роузи Хантингтон Уайтлига берилди.
Кетрин Хайгл
Айтилганидек, ташқи кўриниш алдамчи бўлиши мумкин. Актриса ўзининг даҳшатли характери туфайли Голливуддан ҳайдалди. Маълум бўлишича, Кетрин Хайгл “Ҳиссиётлар анатомияси”ни “Қотиллар” комедияси учун тарк этган ва бунинг учун унга 12 миллион доллар ваъда қилинган. У бу қарорини фарзанди билан кўпроқ вақт ўтказмоқчи эканлигини айтиб оқлади. Шунингдек, Хайгл ўзига ёқмаган саҳналарни ўйнашдан қандай бош тортгани ва трейлерни тарк этмагани ҳақида гапириб берди.
Изоҳ (0)