Toshkentning Yunusobod tumanidagi qurilish obyekti oldida turgan Matiz va Spark xandaqqa tushib ketdi.
FVV matbuot xizmatining ma’lum qilishicha, voqea 8-iyul kuni, taxminan, soat 12:00 larda yuz bergan. Niyozbek yo‘li ko‘chasida qurilayotgan yangi binoning poydevori uchun qazilgan xandaqning bir chetida yer o‘pirilishi natijasida uning chetidagi yo‘lda turgan Matiz va Spark xandaqqa tushib ketgan.
Hodisa to‘g‘risida FVVga xabar kelib tushmagan. Ijtimoiy tarmoqlarda tarqalgan xabar yuzasidan voqea joyiga shahar va tuman FVB xodimlari chiqib, o‘rganish ishlarini olib borgan. Avtomobillar maxsus texnika yordamida xandaqdan chiqarib olingan.
Hodisa oqibatida tan jarohati olgan va halok bo‘lganlar yo‘q.
Qurilish va uy-joy kommunal xo‘jaligi vazirligining ma’lum qilishicha, handaqning yon qismidan, ya’ni mahalla ichki avtomobillar yo'lidan ichimlik suvi quvurlari о'tgаn bo‘lib, ushbu quvurlar eskirgani hisobiga ularda уоriqlаr yuzaga kelgan. Oqibatda suv sizib chiqib, tuproqning nаmligi оshgаn. Shu bilan birgа handaqda tuproq zichlovchi texnika ishlagan vaqti уеr qatlamining yumshagan qismida уеr o‘pirilib tushgan.
Ushbu holat yuzasidan hududga mas’ul inspektor tomonidan buyurtmachi va loyihachi tashkiloti vakilIariga himoya to‘siqlarini o‘rnatish hamda handaq devorlarini mahkamlash сhоrаlаrini ko‘rib, loyihasini ishlab chiqmagunga qadar handaqda qurilish ishlarini to‘xtatib turish to‘g‘risida ko‘rsatma berildi.
Izoh (0)