“Adolat”, Ekologik partiya va Xalq demokratik partiyasidan O‘zbekiston prezidentligiga nomzodlar 9-iyul kuni saylovda ovoz berdi.
“Adolat” sotsial-demokratik partiyasidan prezidentlikka nomzod Robaxon Mahmudova 21-saylov uchastkasiga oilaviy tashrif buyurib, ovoz berish jarayonida ishtirok etdi.
Ekologik partiyadan prezidentlikka nomzod Abdushukur Hamzayev Toshkentning Yangihayot tumanidagi 583-saylov uchastkasiga rafiqasi bilan tashrif buyurib, ovoz berdi.
Xalq demokratik partiyasidan prezidentlikka nomzod Ulug‘bek Inoyatov Toshkentning Shayxontohur tumanidagi 299-umumiy o‘rta ta’lim maktabi hududida joylashgan 427-saylov uchastkasiga rafiqasi bilan birga tashrif buyurib, ovoz berdi.
Maʼlumot uchun, to‘rt nafar nomzod prezidentlik uchun kurashmoqda. Ular — Xalq demokratik partiyasidan Ulug‘bek Inoyatov, O‘zLiDePdan Shavkat Mirziyoyev, “Adolat” partiyasidan Robaxon Mahmudova hamda Ekopartiyadan Abdushukur Hamzayev.
Saylovda g‘olib bo‘lgan nomzod prezidentlikka 7 yilga saylanadi. Bu haqda yangilangan Konstitutsiyada belgilab qo‘yilgan.
Markaziy saylov komissiyasi axborotiga ko‘ra, 2023-yil 1-iyul holatiga jami 376 ming 623 nafar saylovchilar muddatidan oldin ovoz berish huquqidan foydalangan. Shundan respublika hududida — 275 ming 592 nafar, xorijda — 101 ming 31 nafar saylovchi ovoz bergan.
Izoh (0)