Namanganda 110 yashar momo saylov uchastkasiga 85 yashar qizi bilan keldi (foto)

Namangan viloyatining Uchqo‘rg‘on tumani, “Dehqonobod” mahallasida joylashgan saylov uchastkasidagi ovoz berish jarayonini 110 yashar Shahribonu momo Mirzahamdamova boshlab berdi. Bu haqda “Daryo” muxbiri Azizbek Abduvaliyev xabar bermoqda.

Viloyatdagi eng keksa momo saylov uchastkasiga 85 yashar qizi Sanobarxon aya bilan birga kirib keldi. Bu yerda mutasaddilar va saylovga kelgan mahalladoshlar bilan ko‘rishib, bugungi tadbir yaxshi o‘tishini tilab, duo qildi.

Shundan so‘ng momo saylov komissiyasi aʼzolari va yaqinlari ko‘magida ovoz berdi.

Tumanning “Bahriobod” mahallasida esa 101 yoshli Mukarram aya Abdurahimova va 100 yoshni qarshilagan Donoxon aya Jumaboyeva saylovda ishtirok etdi.

Bunga guvoh bo‘lganlar dugona va sinfdosh momolarning ahilligi va bardamligiga havas qildi.