Ispaniya terma jamoasi penaltilar seriyasida Xorvatiyani yengib, Millatlar Ligasi g‘olibiga aylandi

Futbol bo‘yicha UEFA Millatlar Ligasining finalida Xorvatiya va Ispaniya terma jamoalari 18-iyun, yakshanba kuni o‘zaro to‘qnash keldi.

Uchrashuvning asosiy vaqti va qo‘shimcha bo‘limlarda hisob ochilmadi. Penaltilar seriyasida Ispaniyaning qo‘li baland keldi.

Shu tariqa Ispaniya terma jamoasi ilk bor Millatlar Ligasi bosh sovriniga ega chiqdi. Bundan avval Portugaliya va Fransiya bu ishni uddalagandi.

Musobaqaning uchinchi o‘rini uchun kechgan bahsda Italiya termasi Niderlandiyani mag‘lub etgandi (3:2).

Millatlar Ligasi

Final

18-iyun, yakshanba

Xorvatiya – Ispaniya 0:0

Penaltilar seriyasi — 4:5

Xorvatiya: Livakovich, Yuranovich (Stanishich, 112), Erlich, Shutalo, Perishich, Modrich, Kovachich, Brozovich, Pashalich (Petkovich, 61), Ivanushets (Vlashich, 78), Kramarich (Mayer, 90).

Ispaniya: Unai Simon, Navas (Karvaxal, 97), Lyaport, Le Norman (Nacho, 78), Alba, Fabian Ruis (Merino, 78), Rodri, Pino (Fati, 66), Gavi (Olmo, 87), Asensio, Morata (Xoselu, 66).

Ogohlantirishlar: Gavi (81), Petkovich (90), Nacho (96), Rodri (97).