Futbol bo‘yicha CAFA Nations Cup—2023 3-turida O‘zbekiston milliy terma jamoasi 17-iyun, shanba kuni Tojikistonga qarshi bahs olib bordi.
Uchrashuvning 13-daqiqasida Tojikiston futbolchisi Parvizjon Umarboyev hisobni ochdi.
Ikkinchi bo‘limda esa o‘zbekistonliklar beshta gol bilan javob qaytardi. 53-daqiqada Jasurbek Yaxshiboyev raqib darvozasini ishg‘ol qildi. Oradan 3 daqiqa o‘tib, Eldor Shomurodov penaltini aniq amalga oshirdi va O‘zbekistonni hisobda oldinga olib chiqdi.
73-daqiqada esa Abbosbek Fayzullayev hisobni ishonchli ko‘rinishga olib keldi.
83-daqiqada Hojimat Erkinov, 96-daqiqada Oston O‘runov O‘zbekistonning navbatdagi gollari muallifiga aylandi. Shu tariqa Srechko Katanes shogirdlari guruhni yuz foizlik natija bilan yakunladi.
O‘zbekiston terma jamoasi CAFA Nations Cup—2023 finalida Eronga qarshi bahs olib boradi. Jamoalar o‘rtasidagi o‘yin 20-iyun kuni 20:30 da start oladi.
CAFA Nations Cup—2023
3-tur bahsi
17-iyun, shanba
O‘zbekiston – Tojikiston 5:1
Gollar: 0:1 — 13 Parvizjon Umarboyev, 13 (0:1), 1:1 — 53 Jasur Yaxshiboyev, 2:1 — 56 Eldor Shomurodov (penalti), 3:1 — 73 Abbosbek Fayzullayev, 4:1 — 83 Hojimat Erkinov, 5:1 — 90+6 Oston O‘runov (penalti).
O‘zbekiston: 16. Botirali Ergashev, 2. Alibek Davronov, 5. Abduqodir Husanov, 6. Ibrohim Halil Yo‘ldoshev, 8. Jamshid Iskandarov, 18. Abdulla Abdullayev, 20. Akmal Mozgovoy, 22. Dilshod Saitov, 23. Jasur Yaxshiboyev, 24. Bobir Abduholiqov, 27. Jamshid Boltaboyev.
Tojikiston: 1. Rustam Yatimov, 2. Zoir Jo‘raboyev, 5. Manuchehr Safarov, 6. Vahdat Xanonov, 7. Parvizjon Umarboyev, 8. Amirbek Jo‘raboyev, 10. Alisher Jalilov, 15. Shervoni Mabatshoyev, 17. Ehsoni Panshanbe, 19. Ahtam Nazarov, 21. Manuchehr Jalilov.
Ogohlantirishlar: Vahdat Xanonov (28), Ibrohim Halil Yo‘ldoshev (38), Parvizjon Umarboyev (41), Manuchehr Safarov (42), Ehsoni Panshanbe (59).
Izoh (0)