Futbol bo‘yicha UEFA Millatlar Ligasida Niderlandiya va Italiya terma jamoalari 18-iyun, yakshanba kuni uchinchi o‘rin uchun o‘zaro o‘yin o‘tkazdi.
Uchrashuvning 6-daqiqasida Federiko Dimarko italiyaliklarni oldinga olib chiqdi. 20-daqiqada Davide Frattezi jamoasini ikkinchi golini urdi. 68-daqiqada Steven Bergveyn oradagi farqni qisqartirdi.
72-daqiqada Federiko Kyeza Italiyaning uchinchi goliga muallif bo‘ldi. O‘yin yakunlanib borayotganda Jorjinyo Veynaldum hisobdagi farqni yana bittaga olib keldi, biroq qolgan vaqtda hisob o‘zgarishsiz qoldi.
Shu tariqa Italiya terma jamoasi Millatlar Ligasi bronza medaliga ega chiqdi.
Italyanlar yarim finalda Ispaniyaga yengilgan (1:2) bo‘lsa, Niderlandiya terma jamoasi Xorvatiyaga imkoniyatni boy bergandi (2:4).
Xorvatiya va Ispaniya terma jamoalari o‘rtasidagi final o‘yini 18-iyun kuni 23:45 da boshlanadi.
Millatlar Ligasi
3-o‘rin uchun bahs
18-iyun, yakshanba
Niderlandiya – Italiya 2:3
Gollar: 0:1 – 6 Dimarko, 0:2 – 20 Frattezi, 1:2 – 68 Bergveyn, 1:3 – 72 Kyeza, 2:3 – 89 Veynaldum.
Niderlandiya: Beylo, Dumfris, van Deyk, Gertryuyda (Veynaldum, 46), Ake, de Yong, Lang (Vegorst, 46), Viffer (Verman, 76), Simons (Kopmeyners, 63), Gakpo, Malen (Bergveyn, 46).
Italiya: Donnarumma, Toloi, Acherbi, Buonjorno, Dimarko (Spinatssola, 74), Verratti (Barella, 85), Kristante, Frattezi, Raspadori (Kyeza, 63), Retegi (Pellegrini, 85), Nionto (Zaniolo, 64).
Ogohlantirishlar: Dimarko (34), Barella (90), Vegorst (90), Acherbi (90).
Izoh (0)