Andijon tumanida kuchli shamol oqibatida terak qulab, Matiz‘ni ikkiga bo‘lib qo‘ydi. Viloyat FVB holat yuzasidan ma‘lumot berdi.
Unga ko‘ra, 12-iyun kuni Andijon tumani “Oyjamol” MFY Oliygoh ko‘chasida harakatlanib ketayotgan Matiz ustiga baqaterak qulab tushgan. Avtomobil ichida bo‘lgan 2004-yilda tug‘ilgan D.L. tan jarohati olib, shifoxonaga jo‘natilgan.
12-iyun kuni Farg‘ona vodiysi, Samarqand viloyatlarida kuchli shamol bo‘lib, ayrim hududlarda jala quydi. Farg‘onada aholi uydan chiqmaslikka chaqirildi. Shuningdek, ob-havo oqibatida elektr ta‘minotida ham uzilishlar kuzatildi.
Izoh (0)