Toshkent shahrida joylashgan bog‘chalarning birida noma‘lum erkak uxlab yotgani aniqlandi. Maktabgacha ta‘lim agentligi axborot xizmati holat yuzasidan ma‘lumot berdi.
Unga ko‘ra, shu guruh tarbiyachisi F.Xo‘jayeva 7:30 da guruh eshigini ochganda deraza oynasi ochiqligini ko‘rib, tezda xonani aylanadi va notanish shaxs uxlab yotganini ko‘radi. Tezda tegishli xodimlarga xabar beradi. Noma‘lum shaxs DMTT xodimlari va tarbiyalanuvchilari hayoti uchun xavf tug‘dirishi mumkinligini inobatga olib, DMTT xodimlari qo‘riqlash xizmatining chaqiruv tugmasini bosadi.
Qo‘riqlash xizmati xodimlari tezlikda yetib kelib, erkakni olib ketadi. Ushbu shaxs DMTT hududiga orqa panjaradan noqonuniy oshib kirgan. Holat yuzasidan ichki ishlar organlari tomonidan tekshiruv olib borilmoqda.
Izoh (0)