Toshkent shahrida 3-iyun — Butunjahon velosiped kuni munosabati bilan velomarafon o‘tkazilishi rejalashtirilgan. Shu munosabat bilan 4-iyun kuni soat 08:00 dan 11:00 ga qadar bir necha ko‘chalar yopiladi. Bu haqda poytaxt hokimligi xabar berdi.
Yopiladigan ko‘chalar:
- Abay ko‘chasi Abdulla Qodiriy ko‘chasi bilan kesishmasidan Alisher Navoiy ko‘chasi kesishmasigacha;
- Olmazor ko‘chasi Alisher Navoiy ko‘chasi bilan kesishmasidan “O‘zbekiston” metro bekatigacha;
- Afrosiyob ko‘chasi “O‘zbekiston” metro bekatidan Nukus ko‘chasi bilan kesishmasigacha;
- Nukus ko‘chasi Afrosiyob ko‘chasi bilan kesishmasidan Farg‘ona yo‘li ko‘chasi kesishmasigacha;
- Abdulla Qodiriy ko‘chasi Farg‘ona yo‘li ko‘chasi bilan kesishmasidan Abay ko‘chasi kesishmasigacha.
Hokimlik noqulayliklar uchun uzr so‘ragan holda, haydovchilarga aylanma yo‘llardan foydalanishni tavsiya etgan.
Bunga qadar velosportning shosse turi bo‘yicha Oqtosh—Chorbog‘ Mountain xalqaro musobaqasi o‘tkazilishi munosabati bilan 10 ,11, 13, 14-may kunlari soat 08:00 dan 17:00 ga qadar Toshkent viloyatining Bo‘stonliq va Yuqori Chirchiq tumanlaridan o‘tgan avtomobil yo‘llari vaqtinchalik yopilgandi.
Izoh (0)