Yerga 12-iyun kuni “potensial xavfli” toifadagi asteroid yaqinlashadi

Astronom olimlar 12-iyun kuni 1994 XD asteroidi Yerdan uch million kilometr uzoqlikda uchib o‘tishini ma’lum qildi.

Moskva planetariysi maʼlumotlariga ko‘ra, asteroid 12-iyun kuni Toshkent vaqti bilan 05:53 da sekundiga 21 kilometr tezlikda Yer atrofidan uchib o‘tadi. Uning o‘lchami 300 metrdan 800 metrgacha bo‘lib, kattaligi bo‘yicha “potensial xavfli asteroidlar” toifasiga kiradi.

Ayni paytda olimlar bu sayyoramiz uchun hech qanday xavf tug‘dirmasligini ta’kidlamoqda.

Avvalroq NASA prognozlari bo‘yicha 2046-yilda 2023 DW asteroidi Yer bilan to‘qnashishi mumkinligi haqida xabar berilgandi. Mutaxassislarning fikricha, asteroid Hind okeani yoki AQSHning sharqiy sohiliga qulashi mumkin. Osmon jismining o‘lchamidan kelib chiqilsa, asteroidning taxminiy ta’siri Yerda hayot yo‘qolishiga olib kelmaydi, lekin katta hududdan juda ko‘p odamlarni evakuatsiya qilishga to‘g‘ri keladi.

2023 DW diametri taxminan 50 metrni tashkil qiladi. Asteroid taxminan Olimpiya hovuzi uzunligida.