Астроном олимлар 12 июнь куни 1994 ХD астероиди Ердан уч миллион километр узоқликда учиб ўтишини маълум қилди.
Москва планетарийси маълумотларига кўра, астероид 12 июнь куни Тошкент вақти билан 05:53 да секундига 21 километр тезликда Ер атрофидан учиб ўтади. Унинг ўлчами 300 метрдан 800 метргача бўлиб, катталиги бўйича “потенциал хавфли астероидлар” тоифасига киради.
Айни пайтда олимлар бу сайёрамиз учун ҳеч қандай хавф туғдирмаслигини таъкидламоқда.
Аввалроқ NASA прогнозлари бўйича 2046 йилда 2023 DW астероиди Ер билан тўқнашиши мумкинлиги ҳақида хабар берилганди. Мутахассисларнинг фикрича, астероид Ҳинд океани ёки АҚШнинг шарқий соҳилига қулаши мумкин. Осмон жисмининг ўлчамидан келиб чиқилса, астероиднинг тахминий таъсири Ерда ҳаёт йўқолишига олиб келмайди, лекин катта ҳудуддан жуда кўп одамларни эвакуация қилишга тўғри келади.
2023 DW диаметри тахминан 50 метрни ташкил қилади. Астероид тахминан Олимпия ҳовузи узунлигида.
Изоҳ (0)