Tojikiston janubida joylashgan Pyanj tumanidagi bozorda portlash sodir bo‘ldi, deb xabar bermoqda “Faraj” nashri.
Bozordagi ovqatlanish shoxobchasida gaz ballonining portlashi oqibatida 28 kishi jabrlandi. Kasalxonaga yotqizilganlardan olti nafarining ahvoli og‘ir, qolganlari o‘rtacha og‘irlikda.
Portlash sababi sifatida ballonni gaz bilan to‘ldirishda xavfsizlik qoidalariga rioya qilinmagani ko‘rsatilmoqda.
Tojikistonda so‘nggi bir necha yil ichida aholi turar joy binolarida gaz ballonlarining portlash holatlari ko‘p kuzatilgan, bu esa odamlarning og‘ir tan jarohati olishi va hatto o‘limiga olib kelgan.
Aprel oyida Qozog‘istonning Janao‘zen shahridagi ikki qavatli turar joyda gaz balloni portlab, bino podyezdi qulab tushgan edi, oqibatida to‘rt kishi halok bo‘lgan.
Izoh (0)