Тожикистон жанубида жойлашган Пянж туманидаги бозорда портлаш содир бўлди, деб хабар бермоқда “Фараж” нашри.
Бозордаги овқатланиш шохобчасида газ баллонининг портлаши оқибатида 28 киши жабрланди. Касалхонага ётқизилганлардан олти нафарининг аҳволи оғир, қолганлари ўртача оғирликда.
Портлаш сабаби сифатида баллонни газ билан тўлдиришда хавфсизлик қоидаларига риоя қилинмагани кўрсатилмоқда.
Тожикистонда сўнгги бир неча йил ичида аҳоли турар жой биноларида газ баллонларининг портлаш ҳолатлари кўп кузатилган, бу эса одамларнинг оғир тан жароҳати олиши ва ҳатто ўлимига олиб келган.
Апрель ойида Қозоғистоннинг Жанаўзен шаҳридаги икки қаватли турар жойда газ баллони портлаб, бино подезди қулаб тушган эди, оқибатида тўрт киши ҳалок бўлган.
Изоҳ (0)