17-aprel kuni ertalab Qozog‘istonning Janao‘zen shahridagi ikki qavatli turar joyda gaz balloni portlab, bino podyezdi qulashi oqibatida to‘rt kishi halok bo‘ldi. Bu haqda Respublika Favqulodda vaziyatlar vazirligi matbuot xizmati xabar berdi.
“Soat 11:45 (Toshkent vaqti bilan 10:45) holatiga vayronalar ostidan bir ayolning jasadi chiqarildi. Shu tariqa, ayni vaqtgacha vayronalar ostidan to‘rt kishi tirik, yana to‘rt kishi o‘lik holda topildi. Olti kishi shifoxonada”, — deyiladi vazirlik xabarida.
Vayronagarchilikni bartaraf etish ishlari davom etmoqda, voqea joyida 40 ga yaqin texnika va 350 ga yaqin odam jalb etilgan. Portlash bo‘yicha jinoiy ish qo‘zg‘atilgan.
Izoh (0)