FIFA Rossiya chempionatida to‘p suruvchi legionerlarga klub bilan shartnomasini bekor qilishga ruxsat beruvchi qaror muddatini uzaytirdi.
Federatsiya Rossiya va Ukraina klublari bilan shartnoma tuzgan xorijlik futbolchi va murabbiylar 2024-yil iyun oyiga qadar mehnat shartnomasini bir tomonlama to‘xtatib qo‘yishi mumkinligini ma’lum qildi.
Ushbu qaror Ukraina bilan davom etayotgan mojaro tufayli qabul qilingan.
“Mojaro sababli Ukraina yoki Rossiya hududini tark etgan va hozirdagi vaziyat tufayli qaytishni istamagan xorijlik futbolchi va murabbiylarni himoya qilish maqsadida ular bir tomonlama tartibda klublar bilan tuzilgan mehnat shartnomalarini bekor qilish huquqiga ega bo‘ladi. Agarda klublar 2023-yil 1-iyulgacha yozma ravishdagi bayonotlarni taqdim etsa, 2024-yil 30-iyunga qadar Ukraina futbol federatsiyasi (UAF) yoki Rossiya futbol ittifoqiga (RFU) tegishli bo‘lgan mehnat shartnomalar bir tomonlama to‘xtatilishiga ruxsat beriladi”, — deyiladi FIFA bayonotida.
Izoh (0)