Liga 1. “PSJ” Mbappening dubli evaziga g‘alaba qozondi. Jamoani chempionlikdan bir ochko ajratib turibdi

Futbol bo‘yicha Fransiya chempionatining 36-turidan o‘rin olgan qator uchrashuvlar 21-may, yakshanba kuni bo‘lib o‘tdi.

“PSJ” safarda “Oser”ga qarshi bahs olib bordi. O‘yin avvalida Kilian Mbappe ketma-ket ikkita gol urgan holda, hisobni ishonchli ko‘rinishga keltirdi. Bunga maydon egalari ikkinchi bo‘lim boshida bitta to‘p bilan javob qaytardi.

Ushbu g‘alaba evaziga Parij klubi ochkolarini 84 taga yetkazib oldi va mavsum tugashiga ikki tur qolganda eng yaqin ta’qibchisi “Lans”ni 6 ochkoga ortda qoldirmoqda. Keyingi ikki o‘yindagi bir ochko ham “PSJ” chempionlikni naqd qilishiga yetadi.

36-turdan keyin musobaqa jadvali quyidagi ko‘rinishni oldi:

Liga 1

36-tur bahslari

21-may, yakshanba

“Oser” – “PSJ” 1:2

Gollar: 0:1 – 6 Mbappe, 0:2 – 8 Mbappe, 1:2 – 51 Sinayoko.

“Oser”: Radu, Zedadka, Jubal, Ture, Raveloson, Mensa, Ture, Massengo, En (Dembele, 86), Da Koshta (Nyang, 86), Sinayoko (Perren, 86).

“PSJ”: Donnarumma, Ramos, Markinyos, Danilu Pereyra, Bernat, Zair-Emeri, Verratti, Fabian Ruis (Sanshesh, 79), Messi, Mbappe, Ekitik (Vitinya, 55).

Ogohlantirish: Jubal (46).

“Ayachcho” – “Renn” 0:5

Gollar: 0:1 – 14 Santamariya, 0:2 – 31 Guiri, 0:3 – 37 Doku, 0:4 – 40 Guiri, 0:5 – 71 Guiri.

“Nitssa” – “Tuluza” 0:0

“Brest” – “Klermon” 2:1

Gollar: 0:1 – 43 Neto, 1:1 – 45 Onora, 2:1 – 48 Munye.

“Reyms” – “Anjer” 2:2

Gollar: 1:0 – 10 Ito, 1:1 – 46 Shabanovich, 2:1 – 54 Balogun, 2:2 – 60 Abdelli.

“Trua” – “Strasbur” 1:1

Gollar: 0:1 – 27 Diarra, 1:1 – 73 Roni Lopesh.

“Loryan” – “Lans” 1:3

Gollar: 1:0 – 6 Fevr, 1:1 – 20 Sotoka, 1:2 – 25 Tomasson, 1:3 – 87 Fofana.