ФИФА Россия чемпионатида тўп сурувчи легионерларга клуб билан шартномасини бекор қилишга рухсат берувчи қарор муддатини узайтирди.
Федерация Россия ва Украина клублари билан шартнома тузган хорижлик футболчи ва мураббийлар 2024 йил июнь ойига қадар меҳнат шартномасини бир томонлама тўхтатиб қўйиши мумкинлигини маълум қилди.
Ушбу қарор Украина билан давом этаётган можаро туфайли қабул қилинган.
“Можаро сабабли Украина ёки Россия ҳудудини тарк этган ва ҳозирдаги вазият туфайли қайтишни истамаган хорижлик футболчи ва мураббийларни ҳимоя қилиш мақсадида улар бир томонлама тартибда клублар билан тузилган меҳнат шартномаларини бекор қилиш ҳуқуқига эга бўлади. Агарда клублар 2023 йил 1 июлгача ёзма равишдаги баёнотларни тақдим этса, 2024 йил 30 июнга қадар Украина футбол федерацияси (UAF) ёки Россия футбол иттифоқига (RFU) тегишли бўлган меҳнат шартномалар бир томонлама тўхтатилишига рухсат берилади”, — дейилади ФИФА баёнотида.
Изоҳ (0)