YCHL. “Inter” yarim finalning dastlabki o‘yinida “Milan” ustidan ishonchli g‘alabani qo‘lga kiritdi

Futbol bo‘yicha Yevropa Chempionlar Ligasining yarim final dastlabki bahsida “Inter” 10-may, chorshanba kuni “Milan”ga qarshi bahs olib bordi.

Milan klublari to‘qnashuvining 8-daqiqasidayoq hisob ochildi. “Nerazzuri” hujumchisi Edin Jeko burchak zarbasidan uzatilgan to‘pni darvozaga joylab qo‘ydi. Oradan 3 daqiqa o‘tib, “Inter” ikkinchi golni urdi. Bu safar himoyachilarning xatosidan Genrix Mxitaryan unumli foydalanib, Menyan darvozasini ishg‘ol qildi. 

Uchrashuvning qolgan daqiqalarida gol urilmadi va “Inter” javob o‘yinidan oldin o‘zida yaxshi imkoniyatni yaratib oldi.

Jamoalar o‘rtasidagi javob bahsi 16-may sanasida bo‘lib o‘tadi. Yarim finalning boshqa juftligida “Real” va “Manchester Siti” jamoalari to‘qnash keldi va u yerda hisob 1:1 bilan yakunlandi. 

YCHL

1/2 final, dastlabki o‘yin

10-may, chorshanba

“Milan” (Italiya) – “Inter” (Italiya) 0:2

Gollar: 0:1 – 8 Jeko, 0:2 – 11 Mxitaryan.

“Milan”: Menyan, Kalabriya (Kalulu, 82), Kyer (Tiav, 59), Tomori, Ernandes, Krunich, Bennaser (Messias, 18), Braim Dias (Pobega, 82), Salemakers (Origi, 60), Tonali, Jiru.

“Inter”: Onana, Dumfris, Darmian, Acherbi, Bastoni, Dimarko (de Vrey, 71), Mxitaryan (Brozovich, 63), Chalhano‘g‘lu (Galyardini, 78), Barella, Jeko (Lukaku, 70), Martines (Korrea, 78).

Ogohlantirishlar: Krunich (45), Mxitaryan (45), Tomori (64).