“Barselona” yarim himoyachisi Serxio Busketsning 2022/23-yilgi mavsum yakunida jamoadan ketishini e’lon qildi. Bu haqda klub rasmiy saytida xabar berildi.
Ispaniyalik yarim himoyachi “Barselona” akademiyasi tarbiyalanuvchisi hisoblanadi. Serxio Buskets asosiy jamoada 2008-yilda debyut qilgan. Futbolchi katalon klubi safida 718 ta o‘yin o‘tkazgan. Bu jamoa tarixidagi uchinchi eng yaxshi ko‘rsatkich bo‘lib turibdi. Yarim himoyachi 18 ta gol urgan va 40 ta golli uzatmani amalga oshirgan.
“Bu mavsum men uchun “Barselona”dagi so‘ngisi ekanini e’lon qilish vaqti keldi.
“Barselona” tizimiga kelgan yoshlik paytimda dunyodagi eng yaxshi jamoa tarkibida 15 ta mavsum o‘tkazishimni, sardor bo‘lishimni va klub safida 700 o‘yin o‘tkazishimni aytishganda ishonmagan bo‘lardim.
Men uchun “Barselona” ramzi tushirilgan formani kiyish sharaf va g‘urur manbai edi, lekin hamma narsaning yakuni bor. Bu oson qaror bo‘ldi, vaqti kelgandi. Lekin bu qarorga kelish oson bo‘ldi deb o‘ylamayman.
Bu yo‘lda men bilan birga bo‘lgan barchaga, shuningdek, muxlislarga rahmat aytaman. “Barselona” muxlisi bo‘lish bu eng yaxshi narsa”, — dedi Buskets.
34 yoshli futbolchi “ko‘k-anorranglilar” safida sakkiz marta Ispaniya chempionatida, yetti martadan mamlakat kubogi va Superkubogida, uch marta Chempionlar Ligasida, bir martadan UEFA Superkubogi va klublar o‘rtasidagi Jahon chempionatida g‘olib chiqqan.
Izoh (0)