ЕЧЛ. “Интер” ярим финалнинг дастлабки ўйинида “Милан” устидан ишончли ғалабани қўлга киритди 

Футбол бўйича Европа Чемпионлар Лигасининг ярим финал дастлабки баҳсида “Интер” 10 май, чоршанба куни “Милан”га қарши баҳс олиб борди.

Милан клублари тўқнашувининг 8-дақиқасидаёқ ҳисоб очилди. “Нераззури” ҳужумчиси Эдин Жеко бурчак зарбасидан узатилган тўпни дарвозага жойлаб қўйди. Орадан 3 дақиқа ўтиб, “Интер” иккинчи голни урди. Бу сафар ҳимоячиларнинг хатосидан Генрих Мхитарян унумли фойдаланиб, Менян дарвозасини ишғол қилди. 

Учрашувнинг қолган дақиқаларида гол урилмади ва “Интер” жавоб ўйинидан олдин ўзида яхши имкониятни яратиб олди.

Жамоалар ўртасидаги жавоб баҳси 16 май санасида бўлиб ўтади. Ярим финалнинг бошқа жуфтлигида “Реал” ва “Манчестер Сити” жамоалари тўқнаш келди ва у ерда ҳисоб 1:1 билан якунланди. 

ЕЧЛ

1/2 финал, дастлабки ўйин

10 май, чоршанба

“Милан” (Италия) – “Интер” (Италия) 0:2

Голлар: 0:1 – 8 Жеко, 0:2 – 11 Мхитарян.

“Милан”: Менян, Калабрия (Калулу, 82), Кер (Тиав, 59), Томори, Эрнандес, Крунич, Беннасер (Мессиас, 18), Браим Диас (Побега, 82), Салемакерс (Ориги, 60), Тонали, Жиру.

“Интер”: Онана, Думфрис, Дармиан, Ачерби, Бастони, Димарко (де Врей, 71), Мхитарян (Брозович, 63), Чалҳанўғлу (Гальярдини, 78), Барелла, Жеко (Лукаку, 70), Мартинес (Корреа, 78).

Огоҳлантиришлар: Крунич (45), Мхитарян (45), Томори (64).