Toshkent shahri Olmazor tumanida sodir bo‘lgan yo‘l-transport hodisasida bir haydovchi tan jarohati oldi. Bu haqda poytaxt IIBB YHXB axborot xizmati xabar berdi.
Ma’lum qilinishicha, 10-may kuni soat 23:00 larda Olmazor tumani Yangi Olmazor ko‘chasida 37 yoshli B.S. boshqaruvida bo‘lgan Nexia-2 rusumli avtomashinasi hamda 39 yoshli X.Sh. boshqaruvida bo‘lgan Mercedes-Benz rusumli transport vositasi ishtirokida yo‘l-transport hodisasi sodir bo‘lgan.
Ijtimoiy tarmoqlarda tarqalgan videodan ko‘rish mumkinki, qurilish bo‘layotgan hududda ishlayotgan transport vositasi avtomobil yo‘liga chiqib qolgan va boshqa haydovchilarni bundan ogohlantiruvchi biror belgi o‘rnatilmagan.
YTH oqibatida Nexia-2 rusumli avtomashina haydovchisi tan jarohatlar bilan shifoxonaga yotqizilgan.
Holat yuzasidan Toshkent shahar IIBB YHXB masʼul xodimlari tomonidan surishtiruv harakatlari olib borilmoqda.
Yo‘l-transport hodisalari bilan bog‘liq holatlar
7-may kuni Toshkentning Olmazor tumanida yo‘lovchi avtobusi va Cobalt ishtirokida YTH yuz bergani, undan oldin Qashqadaryoda ikki mashina to‘qnashuvi oqibatida ikki kishi halok bo‘lgani, Toshkentda boshqaruvni yo‘qotgan Cobalt ag‘darilib, yonib ketgani, Xorazmda yuqori tezlikda harakatlanib, daraxtga urilgan Spark yo‘lovchisi halok bo‘lgani to‘g‘risida xabar berilgandi.
Izoh (0)