Xorazm viloyati Urganch shahrida yuqori tezlikda harakatlanib, daraxtga urilgan Spark yo‘lovchisi halok bo‘ldi. Bu haqda Ichki ishlar vazirligi axborot xizmati xabar berdi.
Xabarga ko‘ra, holat 30-aprel kuni Urganch shahar “Obi hayot” mahallasi hududida sodir bo‘lgan. Ushbu hududdan o‘tgan Al-Beruniy ko‘chasida O‘zbekiston ovozi ko‘chasida yashovchi 27 yoshli fuqaro Sparkʼni katta tezlikda boshqarib kelgan.
Haydovchi ehtiyotsizlik sabab xavfli burilishda boshqaruvni yo‘qotgan. Buning oqibatida yo‘ldan chiqib ketib, daraxtga borib urilgan. Mazkur YTH natijasida avtomobil ichida bo‘lgan 39 yoshli yo‘lovchi halok bo‘lgan.
Qayd etilishicha, halok bo‘lgan ushbu yo‘lovchi oilaning yagona boquvchisi bo‘lgan.
Izoh (0)