Toshkentning Olmazor tumanida yo‘lovchi avtobusi va Cobalt ishtirokida YTH yuz berdi.
Poytaxt IIBB YHXB matbuot xizmati bergan xabarga ko‘ra, voqea 7-may kuni soat 13:50 larda Olmazor tumani Keles yo‘li—Sag‘bon ko‘chalari kesishgan chorrahasida sodir bo‘lgan.
Saz Le-60 rusumli avtobusni 1985-yilda tug‘ilgan B.S., Cobalt’ni 1974-yilda tug‘ilgan Z.Z. boshqarib ketayotgan bo‘lgan. YTH natijasida ikkala haydovchi tan jarohati olgan. Hodisa yuz bergan vaqtda avtobusda yo‘lovchilar bo‘lganmi, yo‘qmi — aniqlik kiritilmagan.
Holat yuzasidan Toshkent shahar IIBB YHXB mas’ul xodimlari tomonidan surishtiruv harakatlari olib borilmoqda.
Izoh (0)