Toshkent viloyati Yuqori Chirchiq tumani hududidan o‘tgan Bektemir—Chorbog‘ avtomobil yo‘lida Cobalt yonib ketdi.
Viloyat YHXB matbuot xizmatining xabar qilishicha, voqea 10-may kuni soat 03:30 larda, ushbu avtomobil yo‘lining 20-kilometrida yuz bergan.
Haydovchi A.R. (1984-yilda tug‘ilgan) Cobalt’ni Toshkent—Chorbog‘ yo‘nalishida boshqarib ketayotib, o‘zi bilan bir yo‘nalishda harakatlanib ketayotgan Kia mashinasining o‘ng orqa qismiga urilib, boshqaruvni yo‘qotgan holda yo‘l chetiga chiqib ketgan.
Oqibatda mashina to‘liq yonib ketgan. Unda bo‘lgan fuqarolar mashinadan tushirib olingan.
Holat bo‘yicha Yuqori Chirchiq tuman IIB tomonidan surishtiruv ishlari olib borilmoqda.
Izoh (0)