Sirdaryo viloyatining Guliston shahrida sotuvchi shaxs rahbarining yarim milliard so‘mdan ziyod pulini o‘zlashtirgani aniqlandi. Bu haqda Iqtisodiy jinoyatlarga qarshi kurashish departamenti axborot xizmati xabar berdi.
Xabarga ko‘ra, holat Bosh prokuratura huzuridagi departamentning Guliston shahar bo‘limi tomonidan tadbirkorlik subyektlarining huquqlarini himoya qilish yuzasidan o‘tkazilgan tergovga qadar tekshiruvda aniqlangan. “Y.B.” MCHJ do‘koni sotuvchisi A.T. o‘ziga ishonib topshirilgan alkogol mahsulotlari sotuvidan tushgan 595,1 million so‘mni kirim qilmasdan o‘zining shaxsiy ehtiyojlari uchun sarflab yuborgan.
Mazkur holat yuzasidan Jinoyat kodeksining 167-moddasi (o‘zlashtirish yoki rastrata yo‘li bilan talon-toroj qilish) bilan jinoyat ishi qo‘zg‘atilib, tergov harakatlari o‘tkazilmoqda.
Izoh (0)