Ukraina yuqori martabali rasmiylari qarshi hujumdan xavotirda va ular bu G‘arb hamkorlarining umidlarini oqlamasligi mumkin deb hisoblaydi. Bu haqda Ukraina prezidenti Vladimir Zelenskiy va mudofaa vaziri Aleksey Reznikov bilan bo‘lib o‘tgan suhbatga tayanib, The Washington Post xabar berdi.
Qayd etilishicha, yuqori martabali amaldorlar Ukraina qurolli kuchlarining qarshi hujumidan kutilayotgan natijani pasaytirmoqchi, chunki bu o‘zini oqlamasligi mumkin.
Aleksey Reznikov “dunyoda Ukraina qarshi hujumiga bo‘lgan umid yuqori baholanishi” va ko‘pchilik odamlar katta narsani kutayotgani, biroq buning natijasi “hissiy hayratlanish” bo‘lishi mumkinligini aytdi.
“Tafsilotlari sir bo‘lib qolayotgan qarshi hujumga tayyorgarlik Ukraina rasmiylarini qiyin savol bilan qoldirdi: G‘arbni, ayniqsa Vashingtonni hayratda qoldirish uchun qanday natija yetarli bo‘ladi? Ba’zilar, agar ukrainaliklar muvaffaqiyatsizlikka uchrasa, Kiyev xalqaro harbiy yordamdan mahrum bo‘lishi yoki Moskva bilan muzokara olib borish uchun yana bosimga duchor bo‘lishi mumkin, deb qo‘rqadi”, — deyiladi xabarda.
Shu bilan birga, agar shunday sharoitda muzokaralar boshlansa, ular hududlarni topshirishni o‘z ichiga olishi, biroq buni Kiyev qabul qilmasligi mumkin.
Bu haqda Ukraina prezidenti Vladimir Zelenskiy ham gapirgan. Uning fikricha, Ukraina qurolli kuchlari jang maydonida qanchalik ko‘p g‘alaba qozonsa, G‘arb ittifoqchilari keyinroq shunchalik yordam beradi.
Qarshi hujumdan kutilgan umidlar Ukraina armiyasining Xarkov va Xerson viloyatidagi oldingi muvaffaqiyati bilan bog‘liq bo‘lishi mumkin.
“Biz ilhomlandik, chunki 72 soat ichida bardosh berolmaymiz, deb ishonilgan edi”, — deydi mudofaa vaziri.
Ammo, endi u muvaffaqiyat ko‘lamini bashorat qila olmaydi. Rossiya bosqinchilari alohida to‘siqlarni keltirib chiqaradigan foydali geografik ustunlikka ega, shuning uchun Ukrainaga imkon qadar ko‘proq qurol kerak.
Zelenskiyning fikricha, Ukraina qurolli kuchlarining uzoq masofali artilleriyasi yo‘qligi ruslarni Dneprning chap qirg‘og‘idagi Xerson viloyatidagi hududlardan siqib chiqara olmadi va ittifoqchilar uni berishdan bosh tortmoqda.
“Ular u yerdagi qo‘shinlarini sharq yoki janubga ko‘chirishi mumkin. Ular mustahkam pozitsiyani egallamoqda. Nega? Chunki biz ularga yetib bora olmasligimizni biladi... va biz har kuni azob chekamiz, chunki ular bizning xalqimizga qarata o‘q uzish imkoniga ega”, — degan Ukraina prezidenti.
Izoh (0)