Украина юқори мартабали расмийлари қарши ҳужумдан хавотирда ва улар бу Ғарб ҳамкорларининг умидларини оқламаслиги мумкин деб ҳисоблайди. Бу ҳақда Украина президенти Владимир Зеленский ва мудофаа вазири Алексей Резников билан бўлиб ўтган суҳбатга таяниб, The Washington Post хабар берди.
Қайд этилишича, юқори мартабали амалдорлар Украина қуролли кучларининг қарши ҳужумидан кутилаётган натижани пасайтирмоқчи, чунки бу ўзини оқламаслиги мумкин.
Алексей Резников “дунёда Украина қарши ҳужумига бўлган умид юқори баҳоланиши” ва кўпчилик одамлар катта нарсани кутаётгани, бироқ бунинг натижаси “ҳиссий ҳайратланиш” бўлиши мумкинлигини айтди.
“Тафсилотлари сир бўлиб қолаётган қарши ҳужумга тайёргарлик Украина расмийларини қийин савол билан қолдирди: Ғарбни, айниқса Вашингтонни ҳайратда қолдириш учун қандай натижа етарли бўлади? Баъзилар, агар украиналиклар муваффақиятсизликка учраса, Киев халқаро ҳарбий ёрдамдан маҳрум бўлиши ёки Москва билан музокара олиб бориш учун яна босимга дучор бўлиши мумкин, деб қўрқади”, — дейилади хабарда.
Шу билан бирга, агар шундай шароитда музокаралар бошланса, улар ҳудудларни топширишни ўз ичига олиши, бироқ буни Киев қабул қилмаслиги мумкин.
Бу ҳақда Украина президенти Владимир Зеленский ҳам гапирган. Унинг фикрича, Украина қуролли кучлари жанг майдонида қанчалик кўп ғалаба қозонса, Ғарб иттифоқчилари кейинроқ шунчалик ёрдам беради.
Қарши ҳужумдан кутилган умидлар Украина армиясининг Харьков ва Херсон вилоятидаги олдинги муваффақияти билан боғлиқ бўлиши мумкин.
“Биз илҳомландик, чунки 72 соат ичида бардош беролмаймиз, деб ишонилган эди”, — дейди мудофаа вазири.
Аммо, энди у муваффақият кўламини башорат қила олмайди. Россия босқинчилари алоҳида тўсиқларни келтириб чиқарадиган фойдали географик устунликка эга, шунинг учун Украинага имкон қадар кўпроқ қурол керак.
Зеленскийнинг фикрича, Украина қуролли кучларининг узоқ масофали артиллерияси йўқлиги русларни Днепрнинг чап қирғоғидаги Херсон вилоятидаги ҳудудлардан сиқиб чиқара олмади ва иттифоқчилар уни беришдан бош тортмоқда.
“Улар у ердаги қўшинларини шарқ ёки жанубга кўчириши мумкин. Улар мустаҳкам позицияни эгалламоқда. Нега? Чунки биз уларга етиб бора олмаслигимизни билади... ва биз ҳар куни азоб чекамиз, чунки улар бизнинг халқимизга қарата ўқ узиш имконига эга”, — деган Украина президенти.
Изоҳ (0)