A Seriya. “Yuventus” safarda “Atalanta”ni yengdi, chempionlikni hal qilgan “Napoli”da ham g‘alaba

Futbol bo‘yicha Italiya A Seriyasining 34-turidan o‘rin olgan qator uchrashuvlar 7-may, yakshanba kuni bo‘lib o‘tdi.

O‘tgan turda chempionlik masalasini hal qilib qo‘ygan “Napoli” o‘z maydonida “Fiorentina”ni qabul qildi. Uchrashuvda hisob 74-daqiqaga kelib ochildi: Viktor Osimhen penaltini aniq amalga oshirib, neapolliklarni hisobda oldinga olib chiqdi. Qolgan vaqtda hisob o‘zgarmadi.

“Yuventus” Bergamoda “Atalanta” mehmoni bo‘ldi. Ikkinchi bo‘lim boshida Sem Ayling turinliklarning dastlabki golini urgan bo‘lsa, hakam tomonidan qo‘shib berilgan vaqtda Dushan Vlahovich yakuniy hisobni o‘rnatdi.

7-may kungi o‘yinlardan keyin musobaqa jadvali quyidagi ko‘rinishni oldi:

A Seriya

34-tur bahslari

7-may, yakshanba

“Napoli” – “Fiorentina” 1:0

Gol: 1:0 – 74, penalti Osimhen.

“Napoli”: Gollini, Di Lorenso, Estigor, Kim Min Je, Olivera, Demme (Lobotka, 46), Zambo-Angissa, Elmaz (Zerbin, 84), Losano (Kvaratsxeliya, 45), Raspadori (Zelinski, 46), Osimhen (Simeone, 78).

“Fiorentina”: Terrachchano, Dodo (Venuti, 46), Igor Julio, Milenkovich, Terzich, Bonaventura (Kastrovilli, 66), Dankan (Mandragora, 67), Amrabat (Kuame, 76), Gonsales, Sottil (Saponara, 76), Yovich.

“Atalanta” – “Yuventus” 0:2

Gollar: 0:1 – 56 Ayling, 0:2 – 90+9 Vlahovich.

“Atalanta”: Sportyello, Zappakosta, Toloi, Jimshiti, Skalvini, Mele, de Ron, Pashalich (Muriel, 60), Kopmeyners, Ederson (Boga, 49; Soppi, 65), Sapata.

“Yuventus”: Shensni, Aleks Sandro, Danilo, Rugani, Kuadrado, Di Mariya (Kyeza, 82), Rabyo, Lokatelli, Fajoli (Pogba, 65), Milik (Vlahovich, 65), Ayling (Kostich, 82).

Ogohlantirishlar: Rabyo (62), Mele (90), Vlahovich (90).

“Torino” – “Monsa” 1:1

Gollar: 1:0 – 46 Sanabriya, 1:1 – 86 Kaprari.