Superliga. “Nasaf” o‘z uyida “Navbahor”ni mag‘lub etolmadi, “Neftchi” va “Surxon” o‘yinida ham g‘olib aniqlanmadi

Futbol bo‘yicha O‘zbekiston Superligasining 9-turidan o‘rin olgan ikki o‘yin 7-may, yakshanba kuni bo‘lib o‘tdi.

“Nasaf” o‘z uyida “Navbahor”ga qarshi bahs olib bordi. Uchrashuvda har ikki jamoa vakillari golga tortadigan bir nechta vaziyat bo‘ldi, biroq hisob o‘yin tugaguncha o‘zgarishsiz qoldi.

“Nasaf” 15 ochko bilan 5-o‘rinni band etib turibdi, “Navbahor” esa 16 ochko bilan ikkinchi pog‘onani band etgan. Samvel Babayan shogirdlari peshqadam “Paxtakor”dan 2 ochko ortda qolmoqda.

Yana bir bahs “Surxon” va “Neftchi” jamoalari o‘rtasida kechdi. Uchrashuvning 7-daqiqasida Toma Tabatadze farg‘onaliklarni oldinga olib chiqqan bo‘lsa, Termiz jamoasi bo‘lim so‘ngida muvozanatni tikladi.

53-daqiqada Tabatadze yana “Neftchi”ning goliga muallif bo‘ldi. 78-daqiqada Silvanus Nimeli hisobni tenglashtirdi.

“Neftchi” 16 ochko evaziga 3-pog‘onani saqlab turibdi. 6-o‘rindagi “Surxon” hisobida esa 12 ochko bor.

Superliga

9-tur bahslari

7-may, yakshanba

“Nasaf” – “Navbahor” 0:0

“Nasaf”: 35. Abduvohid Ne’matov, 2. Alibek Davronov, 4. Husniddin Aliqulov, 5. G‘olib G‘aybullayev, 7. Akmal Mozgovoy (18. Bahrom Abdurahimov, 68), 9. Javohir Siddiqov (99. Aziz Omonov, 84), 15. Jo‘rabek Mannonov (28. Shuhrat Muhammadiyev, 84), 19. Mateus Lima Kruz, 34. Sherzod Nasrullayev, 77. Oybek Bozorov, 92. Umarbek Eshmurodov.

“Navbahor”: 1. O‘tkir Yusupov, 6. Ibrohim Yo‘ldoshev, 7. Oston O‘runov, 10. Jamshid Iskandarov, 17. Abror Ismoilov, 21. Temurxo‘ja Abduxoliqov (11. Shohruz Norxonov, 72), 22. Igor Golban, 23. Yovan Jokich, 27. Shahboz Jo‘rabekov, 31. Luka Chermel, 77. Asad Sobirjonov (8. Jasur Yaxshiboyev, 58).

Ogohlantirish: Jokich (39).

“Surxon” – “Neftchi” 2:2

Gollar: 0:1 – 7 Tabatadze, 1:1 – 45+2 Jumayev, 1:2 – 53, penalti Tabatadze, 2:2 – 78 Nimeli.

“Surxon”: 1. Artyom Potapov, 2. Bobur Asqarov, 3. Sunnatulloh Hamidjonov, 7. Doston Tursunov, 8. Humoyun Sherbo‘tayev, 10. Tamirlan Jamalutdinov (17. Jahongir Abdusalomov, 58) (5. Aziz Pirmuhammadov, 84) 18. Silvanus Nimeli, 19. Nuriddin Hasanov (15. Diyor Ramozonov, 84), 27. Asilbek Jumayev, 55. Shoxjahon Sultonmurodov, 66. Bexruz Shaydulov.

“Neftchi”: 45. Akbar To‘rayev, 2. Zoir Jo‘raboyev, 7. Umar Adhamzoda (70. Abbos G‘ulomov, 62) 8. Nurillo To‘xtasinov (13. Lutfulla To‘rayev, 74), 9. Ulug‘bek Hoshimov (11. Izzatilla Abdullayev, 62), 19. Mirzohid G‘ofurov, 21. Muhsin Ubaydullayev, 22. Toma Tabatadze (5. Yuri Batyushin,  88), 23. Diyor Turopov (28. Fozil Musayev, 88), 24. G‘ulom-Haydar G‘ulomov, 26. Oleksey Larin.

Ogohlantirish: Asqarov (35).