Sirdaryo viloyati Oqoltin tumanida 5 ta avtomobil ishtirokida yo‘l-transport hodisasi sodir bo‘ldi. Viloyat IIB axborot xizmati holat yuzasidan maʼlumot berdi.
Xabarga ko‘ra, ushbu holat 18-aprel kuni soat taxminan 14:20 larda Sirdaryo viloyati Oqoltin tumani hududidan o‘tuvchi A-373 xalqaro ahamiyatidagi avtomobil yo‘lida sodir bo‘lgan. Toshkent—Termiz yo‘nalishi 4-kilometrida 3 ta Lacetti hamda Cobalt tartibga soluvchi svetoforning qizil chirog‘ida ketma-ket to‘xtab turgan vaqtida ushbu yo‘nalishda harakatlanib kelayotgan fuqaro R.M boshqaruvida bo‘lgan Lacettiʼda boshqaruvini yo‘qotib, yuqorida ko‘rsatib o‘tilgan avtomashinalarning orqa tomonidan kelib, to‘qnashuv sodir qilgan.
Yo‘l-transport hodisasi natijasida hech kim tan jarohati olmagan. Hozirda ushbu holat bo‘yicha surishtiruv ishlari olib borilib, to‘plangan hujjatlar qonuniy qaror qabul qilish uchun Maʼmuriy javobgarlik to‘g‘risidagi kodeksning 133-moddasi bilan Jinoyat ishlari bo‘yicha Oqoltin tumani sudiga yuborilgan.
Izoh (0)