Сирдарё вилояти Оқолтин туманида 5 та автомобиль иштирокида йўл-транспорт ҳодисаси содир бўлди. Вилоят ИИБ ахборот хизмати ҳолат юзасидан маълумот берди.
Хабарга кўра, ушбу ҳолат 18 апрель куни соат тахминан 14:20 ларда Сирдарё вилояти Оқолтин тумани ҳудудидан ўтувчи А-373 халқаро аҳамиятидаги автомобиль йўлида содир бўлган. Тошкент—Термиз йўналиши 4-километрида 3 та Lacetti ҳамда Cobalt тартибга солувчи светофорнинг қизил чироғида кетма-кет тўхтаб турган вақтида ушбу йўналишда ҳаракатланиб келаётган фуқаро Р.М бошқарувида бўлган Lacettiъда бошқарувини йўқотиб, юқорида кўрсатиб ўтилган автомашиналарнинг орқа томонидан келиб, тўқнашув содир қилган.
Йўл-транспорт ҳодисаси натижасида ҳеч ким тан жароҳати олмаган. Ҳозирда ушбу ҳолат бўйича суриштирув ишлари олиб борилиб, тўпланган ҳужжатлар қонуний қарор қабул қилиш учун Маъмурий жавобгарлик тўғрисидаги кодекснинг 133-моддаси билан Жиноят ишлари бўйича Оқолтин тумани судига юборилган.
Изоҳ (0)