Toshkent Axborot texnologiyalari universiteti Farg‘ona filiali hududida yong‘in chiqqani aks etgan video tarqaldi. Viloyat Favqulodda vaziyatlar boshqarmasi holat yuzasidan maʼlumot berdi.
Unga ko‘ra, 26-aprel kuni soat 15:00 da Farg‘ona shahar Mustaqillik ko‘chasida joylashgan Toshkent axborot texnologiyalari universiteti Farg‘ona filiali hududida qurigan archa daraxti yongan. Yong‘in to‘g‘risida 101, 1050 qisqa raqamlariga hech qanday xabar kelib tushmagan, yong‘in o‘chirish ekipajlari jalb etilmagan.
Qayd etilishicha, yong‘in o‘quvchilar tomonidan bartaraf etilgan. Yong‘indan kuygan va tan-jarohat olganlar yo‘q.
Izoh (0)