Turkiya prezidenti Rajab Toyyib Erdo‘gon jonli efir vaqtida sog‘lig‘i yomonlashgani haqida xabar berilgandi. Ijtimoiy tarmoqlarda siyosatchi miokard infarktini boshidan o‘tkazgani haqida tasdiqlanmagan xabar tarqalmoqda.
Tasdiqlanmagan ma’lumotlarga ko‘ra, hozir siyosatchining ahvoli og‘ir va kasalxonaga yotqizilgan. Mazkur ma’lumot hukumat rasmiylari tomonidan tasdiqlanmagan va unga munosabat bildirilmagan.
“Erdo‘g‘on yurak xurujiga uchradi. Mendagi mavjud ma’lumotlarga ko‘ra, bu haqiqat. Uning ahvoli og‘ir”, — deb yozgan jurnalist Nadana Fridrixson.
Turkiyada Erdo‘g‘on jamoasi prezidentning barcha saylovoldi chiqishlari va ommaviy tadbirlarini 3-mayga qadar bekor qilgan. Mamlakatda 14-may kuni prezidentlik saylovlari bo‘lib o‘tadi.
Erdo‘g‘onning jonli efirda sog‘lig‘i yomonlashdi
25-aprel kuni saylov kampaniyasi doirasida Erdo‘g‘on televideniyeda jonli efirga chiqib, savollarga javob berdi. Translyatsiya paytida Turkiya prezidentining salomatligi yomonlashdi.
Shu sabablii jonli efir uzib qo‘yildi. 20 daqiqadan so‘ng Erdo‘g‘on efirda ko‘rinish berib, tomoshabinlardan uzr so‘radi va saylovoldi ishlari davomida oshqozoni shamollab qolganini aytdi.
Turkiyada prezidentlik va parlament saylovlari 14-mayga belgilangan. Amaldagi prezident Erdo‘g‘onning asosiy raqibi — muxolifatdagi “Xalq alyansi” partiyasidan yagona nomzod Kemal Qilichdoro‘g‘li bo‘lib turibdi.
Izoh (0)