Birinchi chorakda Xitoy iqtisodiyoti 2022-yilning shu davriga nisbatan 4,5 foizga o‘sdi. Bu haqda “Daryo”ga Xitoy Milliy statistika byurosi ma’lumotlaridan ma’lum bo‘ldi.
Bu o‘tgan yildagi eng yuqori o‘sish bo‘lib, Reuters so‘rov o‘tkazgan tahlilchilar prognozlaridan ancha yuqori.
Iqtisodiyotning tiklanishiga ta’sir ko‘rsatgan asosiy omil mamlakatda qariyb uch yildan beri amalda bo‘lgan COVID’ga qarshi qattiq cheklovlarning bekor qilinishi bo‘ldi.
2022-yilda Xitoy yalpi ichki mahsuloti 1970-yillarning o‘rtalaridan beri eng past sur’atda o‘sdi. Bu nafaqat xitoylik balki ko‘plab boshqa iste’molchilarning imkoniyatlari cheklangani sababli. Endi iste’molchilar pandemiya yillarini kuzatishni boshladi.
Birgina mart oyida chakana savdo hajmi 10,6 foizga oshdi. Bu so‘nggi ikki yildagi eng sezilarli o‘sish bo‘lib, tahlilchilar prognozlaridan ikki baravar ko‘p.
Sanoat ishlab chiqarishi sekinroq tiklanmoqda: mart oyida uning hajmi 2022-yil martiga nisbatan 3,9 foizga oshdi. Shunga qaramay, bu oxirgi besh oydagi eng yuqori ko‘rsatkichdir.
Birinchi chorakda hajmning o‘sishi:
- qishloq xo‘jaligi mahsulotlari 3,6 foizni tashkil etdi;
- xizmat ko‘rsatish sohasi — 5,4 foiz;
- chakana savdo — 5,8 foiz;
- yuqori texnologiyali sanoatga investitsiyalar — 16 foiz;
- tovarlar eksporti va importi — 4,8 foiz.
Capital Economics kompaniyasining Xitoy iqtisodiyoti bo‘yicha eksperti Julian Evans-Pritchard ta’kidlaganidek, “tiklanish tezligi hatto bizning nisbatan optimistik prognozlarimizdan ham oshib ketdi”.
Uning fikricha, butun yil davomida Xitoy yalpi ichki mahsulotining o‘sishi 6 foiz bo‘lishi mumkin, Xitoy hukumati esa yil oxirigacha 5 foiz o‘sishga erishishni maqsad qilgan.
Avvalroq Xitoydagi maxsus iqtisodiy zonalar qanday yaratilgani haqida xabar berilgandi.
Izoh (0)