Биринчи чоракда Хитой иқтисодиёти 2022 йилнинг шу даврига нисбатан 4,5 фоизга ўсди. Бу ҳақда “Дарё”га Хитой Миллий статистика бюроси маълумотларидан маълум бўлди.
Бу ўтган йилдаги энг юқори ўсиш бўлиб, Reuters сўров ўтказган таҳлилчилар прогнозларидан анча юқори.
Иқтисодиётнинг тикланишига таъсир кўрсатган асосий омил мамлакатда қарийб уч йилдан бери амалда бўлган COVID’га қарши қаттиқ чекловларнинг бекор қилиниши бўлди.
2022 йилда Хитой ялпи ички маҳсулоти 1970 йилларнинг ўрталаридан бери энг паст суръатда ўсди. Бу нафақат хитойлик балки кўплаб бошқа истеъмолчиларнинг имкониятлари чеклангани сабабли. Энди истеъмолчилар пандемия йилларини кузатишни бошлади.
Биргина март ойида чакана савдо ҳажми 10,6 фоизга ошди. Бу сўнгги икки йилдаги энг сезиларли ўсиш бўлиб, таҳлилчилар прогнозларидан икки баравар кўп.
Саноат ишлаб чиқариши секинроқ тикланмоқда: март ойида унинг ҳажми 2022 йил мартига нисбатан 3,9 фоизга ошди. Шунга қарамай, бу охирги беш ойдаги энг юқори кўрсаткичдир.
Биринчи чоракда ҳажмнинг ўсиши:
- қишлоқ хўжалиги маҳсулотлари 3,6 фоизни ташкил этди;
- хизмат кўрсатиш соҳаси — 5,4 фоиз;
- чакана савдо — 5,8 фоиз;
- юқори технологияли саноатга инвестициялар — 16 фоиз;
- товарлар экспорти ва импорти — 4,8 фоиз.
Cаpital Economics компаниясининг Хитой иқтисодиёти бўйича эксперти Жулиан Эванс-Притчард таъкидлаганидек, “тикланиш тезлиги ҳатто бизнинг нисбатан оптимистик прогнозларимиздан ҳам ошиб кетди”.
Унинг фикрича, бутун йил давомида Хитой ялпи ички маҳсулотининг ўсиши 6 фоиз бўлиши мумкин, Хитой ҳукумати эса йил охиригача 5 фоиз ўсишга эришишни мақсад қилган.
Аввалроқ Хитойдаги махсус иқтисодий зоналар қандай яратилгани ҳақида хабар берилганди.
Изоҳ (0)