Canalys tahliliy firmasi ma’lumotlariga ko‘ra, global smartfon bozori qisqarishda davom etmoqda va 2023-yilning birinchi choragida 12 foizga pasaygan. Bu smartfonlarga talabning pasayishi kuzatilgan ketma-ket beshinchi chorakdir.
Shu tariqa, 2023-yilning birinchi choragida Samsung 22 foiz ulush bilan bozordagi yetakchilikni saqlab qoldi.
Apple iPhone 14 Pro liniyasiga kuchli talab tufayli 21 foiz ulush bilan ikkinchi o‘rinni egalladi. Xiaomi chorak oxiriga kelib o‘zining flagman liniyasini ishga tushirib, 11 foiz ulush bilan uchinchi o‘rnini saqlab qoldi.
Shuningdek, Oppo va Vivo brendlari Osiyo-Tinch okeani mintaqasi va ichki bozorlarda o‘z ishtirokini kuchaytirib, jami bozorning mos ravishda 10 foiz va 8 foizini egallagan.
Tahlilchilarning prognozlariga ko‘ra, jahon smartfon bozorida sotuvlar yaqin bir necha chorakda zaxiralar kamayishi hisobiga oshadi.
Izoh (0)