Canalys таҳлилий фирмаси маълумотларига кўра, глобал смартфон бозори қисқаришда давом этмоқда ва 2023 йилнинг биринчи чорагида 12 фоизга пасайган. Бу смартфонларга талабнинг пасайиши кузатилган кетма-кет бешинчи чоракдир.
Шу тариқа 2023 йилнинг биринчи чорагида Samsung 22 фоиз улуш билан бозордаги етакчиликни сақлаб қолди.
Apple iPhone 14 Prо линиясига кучли талаб туфайли 21 фоиз улуш билан иккинчи ўринни эгаллади. Xiaomi чорак охирига келиб ўзининг флагман линиясини ишга тушириб, 11 фоиз улуш билан учинчи ўрнини сақлаб қолди.
Шунингдек, Оppо ва Vivo брендлари Осиё-Тинч океани минтақаси ва ички бозорларда ўз иштирокини кучайтириб, жами бозорнинг мос равишда 10 фоиз ва 8 фоизини эгаллаган.
Таҳлилчиларнинг прогнозларига кўра, жаҳон смартфон бозорида сотувлар яқин бир неча чоракда захиралар камайиши ҳисобига ошади.
Изоҳ (0)